Нашиот голман Марко Алчевски со вчерашните одлични интервенции во дуелот со Вардар од Скопје во рамките на 29 првенствено коло уште еднаш ги покажа своите одлични голмански перформанси. Тој беше еден од главните виновници за победата на Брера но и капитенски предводник на тимот за нови дострели ова сезона. Со својата позитивна енергија дава дополнителна мотивација во екипата која полека се враќа во горниот дел од прволигашката табела.
,, Фудбалот е тимска игра секој има своја улога на теренот. Улогата на голманот е да го одбрани голот и својот тим да не прими гол. Срежен сум затоа што имав голема улога во победата против Вардар. Оваа сезона мислам дека e најдобрата во мојата досегашна кариера. Ова е резултат пред се на мојата посветеност но и работа, како и на ФК „Академија Пандев Брера Струмица“ која ми помогна да се изградам во една сериозна личност и во многу добар голман. Затоа сум благодарен на цел стручен штаб кои се моментално во клубот и на тие што заминаа, бидејки дадоа свој придонес во она што сум сега“, вели Марко Алчевски
Алчевски за Брера ова сезона настапи во 27 првенствени меча, односно беше на голот на Брера вкупно 2 430 минути. Речиси на секој меч има одлични одбрани. Со својот просек на одбрани е во Топ 3 најдобри голмани во македонскиот фудбалски шампионат. Освен за Брера тој веќе половина деценија е дел и од младинските фудбалски селекции. Последната сезона е чувар на мрежата на младинската репрезентација и сериозно чука на вратите на А селекцијата
„ Во младинските селекции веќе неколку сезони. Ги поминав сите категории а со младинската сум уште кога селектор беше Благоја Милевски. Најдрага победа и најдраг меч ми е натпреварот против Шведска во гости. Секако дека сум подготвен да настапам и за македонската А селекција доколку добијам повик. Јас би сакал да дадам придонес и за сениорскиот состав но има кој да одлучи за тоа. Јас можам да ветам дека и понатаму ќе работам да бидам вистински чувар на мрежите и да се докажувам на голманската позиција,, смета Алчевски
Алчевски во нашиот клуб е од 2017 година а од 2020 тата почна да брани и за првиот тим. Една полусезона беше остапен да брани за Борец од Велес но од 2022 година е стандарден првотимец на Брера, каде ова полусезона ја превзеде капитенската лента.
