Утре продолжуваат натреварите од Првата фудбалска лига на Македонија а нашиот прв тим на стадионот Благој Истатов го пречекува новајлијата Беса. За нас ова е исклучително важен натпревар по серијата од три лоши првенствени настапи и смена во стручниот штаб. Познато е дека спогодбено се разделивме со Бојан Круљ а а негово место дојде Горазд Михаилов. Паралелно во нашиот табор допатуваа и нови имиња као што се Коста Манев и Абдул Руатубјаје од Руанда . Стратегот Михаилов најави дека против Беса ќе излезе со неколку измени во играчкиот состав
„Седум осум дена сум екипата, имам слика за ситуацијата бидејќи ги познавав играчите уште пред да дојдам. Нормално дека ќе има измени во тимот, сето тоа во интерес да одиме до посакуваната цел, а тоа се трите бода против Беса. Нема да биде лесно, играме против една екипа која има доста квалитетни играчи. Имаат тренер кој бил тука во минатото и ја познава средината, а фудбалерите освојувале титули и ја познаваат лигата.Атмосферата во тимот е на високо ниво. Сите се мотивирани, кој и да истрча на теренот ќе даде максимум. Верувам дека со поддршка од публиката ќе дојдеме до бодовите кои многу би ни значеле во понатамошниот дел од првенството“, изјави Михајлов.
