Нашите млади момци го завршија својот настап во квалификациите во Лигата на шампиони. Тие денеска беа поразени на гостувањето во Сараево од истоимената екипа во реванш мечот од младинската Лига. По ремито на домашен терен со резултат 2:2 пред две недели, фудбалерите на Ѓорѓе Стојчев одиграа борбено и со многу желба за изненадување, но Сараево запиша победа од 2:0
Македонскиот тим успеа да одолева во првиот дел денеска во Сараево, но потоа прими два гола и го заврши својот настап во Европа.Стрелци на головите за домашниот тим беа Игнатков и Хамзиќ, а Брера во вториот дел играше и со играч помалку поради исклучувањето на Игор Ристов поради два жолти картони.
