Стратегот Бојан Круљ ќе ги предводи нашите првотимци и во наредната првенствена сезона. Управата на клубот го продолжи договорот со тренерот уверени дека може да се направи исчекор повеќе во следната сезона. Круљ во нашиот табор дојде на почетокот на 2024 и успеа резултатски да го стабилизира тимот но и да обезбеди опстанок во Првата лига. По завршување на последната првенствена сезона, Круљ кажа дека неговите лични амбиции е атак на врвот на прволигашката табела што впрочем се и амбиции на клубот.
,,Ќе се обидеме да бидеме на врвот од табелата а ако ни се даде можност за излез во Европа да го искористиме, оти тоа ни е цел. Наша цел е да ги развиваме младите талентирани фудбалери и сигурно ке се обидеме да направиме баланс мегу младоста и искуството и екипата да биде стабилна во текот на целата сезона за да може да освојуваме бодови дома и во гости,, кажа Круљ на почетокот на јуни.
Круљ има 35 години. Претходно има работено во белградски Вождовац, Синџелич, ИМТ, Рудар од Приједор.Тој е млад и перспективен тренер кој од неодамна доби нов помошник а тоа е Милош Поповиќ од Србија кој има работено во сите категориии на Бродарац во Србија.
