Во недела на стадионот Благој Истатов во Струмица во рамките на третото првенствено коло, нашиот тим игра со Шкендија. Мечот ќе се игра под рефлектори со почеток во 20 часот што е уште една убава можност за вистински фудбалски спектакл во Струмица. Поразот од Силекс за нашиот тим е веќе минато . Сите се свесни за лошото издание што ни дава дополнителен мотив да се поправи впечатокот.
,, Ја респектираме Шкендија и сакаме да го поправиме изданието од минатото коло. Лично, не сакам да откривам дали ќе има измени. Сите играчи се квалитетни, важни за тимот. Сигурно е дека ќе има ротација, но секој си ја знае својата улога. Сите се важни и сакам да го видам најдоброто од сите играчи. Како и на секој меч може да ветиме дека ќе го дадеме максимумот, а на минатата средба не бевме вистински и не сакаме тоа да се повтори. Поддршката од публиката ни е важна, очекуваме да ја добиеме“, изјави Круљ,
За важност на мечот свесен е целиот тим. Сите најавуваат максимум на теренот и поправање на впечатокот од Кратово. Игор Јанкулов очекува поддршка од трибините но е убеден дека ќе се стопираат нивните одлични индивидуалци
„Очекуваме голема поддршка од публиката и да продолжиме со добрите резултати на домашен терен, а со тоа и да го заборавиме претходниот пораз. За натпреварот се подготвуваме како и за секој друг, Шкендија има одлични индивидуалнци и верувам дека ќе успееме да го запреме нивниот напад“, Игор Јанкулов.
Офанзивецот Урош Стамениќ признава дека против Силекс го одиграле еден од најлошите натпревари.
„ Сега се надевам дека ќе ја имаме поддршката од публиката и тоа би била наша голема предност заедно со енергијата која недостасуваше во тој претходен натпревар,, кажа Стамениќ
