Нашиот прв тим утре и гостува на Македонија ЃП во Скопје во рамките на 9 тото првенствено коло. На денешната прес конференција првиот човек на стручниот штаб Џовани Валенти подвлече дека цела недела се подготвуваат за овој натпревар и ќе се обидат да ја прекината серијата мечеви без победа
„Имавме одлична недела, добро трениравме и тимот е желен за добар резултат. Се надевам дека утре ќе успееме да ја наметнеме нашата игра. Го анализиравме противникот, има одлична екипа. Ќе дадеме 100% од нашите можности и ќе се обидеме да триумфираме. Македонија ЃП има добра офанзива, создаваат силен пресинг, па затоа мислам дека воопшто нема да биде лесен натпревар. Ако успееме да заиграме како што знаеме, позитивниот резултат ќе биде неизбежен“, изјави Валенти.
Оптимизам даде и Агрон Руфати кој истакна дека атмосферата во тимот е позитивна изрази убеденост дека може да се слави на теренот на Македонија ЃП за да се вратат на победите.
