Работнички е квалитетен и одличен тим и за тоа зборува пласманот на табелата но тоа не значи дека однапред ќе се предадеме, напротив одиме да се надигруваме и да ги освоиме трите бода. Вака изјави стратегот за зеленоцрните Горазд Михаилов во пресрет на мечот со Работнички во недела во рамките 6 првенствено коло на арената Тодор Проески во Скопје.
,, Работнички ќе атакува на три бода на овој натпревар но и нам императив се трите бода. Во Скопје не одеме со бело знаменце туку напротив да се надигруваме. Убаво е што овој натпревар ќе се игра на арената каде што публиката ќе може да ужива. Околу тимот ги имам сите на располагање за неделниот меч и сите се во добра форма. Немаме повредени и играчите ќе го дадат својот максимум и ќе се прикажеме во добро светло,, кажа стратегот Михаилов
За Димитар Трајковски ова ќе биде тежок натпревар бидејки Работнички нема пораз досега но тоа ќе биде дополнителен мотив да се покажеме во добро светло
