Би сакале да упатиме огромна благодарност до сите посетители кои вчера присуствуваа на СРЦ ,,Пандев“ во Струмица и ја дадоа поддршката на нашиот сениорски тим во победата против Вардар од Скопје. Ваквата посетеност не мотивира во иднина сериозно да размислуваме и за поквалитетна организација и можност за поголема посетеност на нашите натпревари. Како клуб секогаш ќе се стремиме да овозможиме добри услови за сите посетители кои сакаат со фер, коректно, спортско навивање да ги бодрат актерите на теренот, за што наскоро се очекува да проработат и угостителските капацитети на СРЦ „Пандев“ кој како што е познато има ограничен број на седишта. Инвестирањето во сениорскиот тим, младинските фудбалски погони како и во спортската инфраструктура остануваат наши приоритети со надеж дека отвораме нова фудбалска страница не само во Струмица туку и во Македонија. Ве очекуваме во недела повторно на СРЦ „Пандев“ и заеднички да ја бодриме ,,Брера Струмица“ во нов успех против новајлијата „Воска Спорт“.
