Утре играме против Воска Спорт – тимот е подготвен за победа за да ја врати самодовербата !

Нашиот сениорски состав утре против Воска Спорт во гости ги продолжува натпреварите од Првата фудбалска лига на Македонија. Во денешните изјави на стратегот Џовани Валенти, искусниот Александар Ристевски и младиот Ване Крстевски се надеваат на прекин на лошата серија резултати со која би се вратила самодовербата кај играчите.

На прашањето дали може да се повтори играта и резултатот од Струмица Валенти изрази оптимизам

„Се надевам, всушност тоа ми е цел. Играчите од вторник се подготвуваат за натпреварот на многу добар начин. Тренинзите ни беа фантастични бидејќи беа фокусирани на нашата желба да победиме на натпреварот и тие тренираа напорно. И ние знаеме, она што треба да го направиме е да имаме добар перформанс против Воска. Сега, единствената работа е треба да го направиме она што сакаме да го направиме.  Играчите се подготвени, тимот е подготвен. Утре може да биде убава можност да се игра добро и да се постигне победа“, рече Валенти

Според него последните три натпревари биле исрпувачки за тимот не само на физички туку и на психолошки план.

,,Моето мислење е дека треба да размислуваме за последните 3 натпревари со Шкендија, Гостивар дома и Вардар. Мислам дека игравме доста добро во првите 2 натпревари, постигнавме гол против Шкендија, постигнавме гол и против Гостивар но имаше и една неверојатна грешка од судиите. Но сепак, имаше гол против Гостивар, исто така постигнавме и 5 од 5 пенали. Тоа значи дека играчите беа фокусирани и имаа самодоверба кои ги шутираа пеналите.  Третиот натпревар беше многу тежок за нас поради тоа што претходните 2 беа исцрпувачки, не толку физичко исцрпување како што беше психички и емотивно исцрпување. Да играш со Шкендија на гости со толку многу навивачи, да го играш Купот и да одите на пенали. Се трошат многу емотивна и психичка енергија и мислам дека тоа беше единствената причина што третиот натпревар не беше добар.  И ако играме исто толку добро како со Шкендија и Гостивар утре ќе имаме шанси да уживаме многу“, рече Валенти

Дефанзивецот Александар Ристевски смета дека екипата е подготвена но фали само реализација.  Како што вели некогаш е потребен индивидуален ангажман некогаш среќа. Но тој како и Ване Крстевски се надеваат дека против Воска ќес е вратат со победа за да ја вратат самодовербата во тимот.

Останете поврзани

Следете нè за сите најнови ажурирања, содржини од зад сцената и ексклузивни интервјуа со играчи и тренери.

Последни новости

Brera vs Vardar (pioneri) Kup natprevar 02. 04. 2025
02.04.2025
Brera vs Makedonija Gorce Petrov Kup natprevar (Mladinci) 01 04 2025
01.04.2025
Brera vs Rabotnicki pioneri 28 03 2025
28.03.2025

Sponsors

This site is registered on wpml.org as a development site. Switch to a production site key to remove this banner.