Во рамките на 28 то првенствено коло од Првата фудбалска лига на Македонија, нашиот прв тим му гостува на Гостивар во обид да се направи добар резултат со кој би се зацврстиле на средината на прволигашката табела. Нашиот тим како што информираа од стручниот штаб е е подготвен за мечот. Гостивар е незгоден противник посебно кога игра на свој терен. Но тоа не значи дека нашиот сениорски состав ќе настапи со бело знаменце. Ова ќе биде дерби меч за средината од прволигашката табела со оглед дека Гостивар е на шестата позиција со два бода пред нас.
,, Гостивар е доста незгоден тим против кого оваа сезона немаме победа. Императивот го гледаме тука и ќе се обидеме да направиме добар резултат против овој состав. Ќе дадеме се од нас да извлечеме поволен резултат. Нема што да загубиме може само да добиеме. Атмосферата кај нас е одлична посебно по победата над Воска. Ќе биде тешко но нема откажување“ велaт дел од нашите играчи пред гостувањето во Гостивар
Против Гостивар ова првенствена сезона немаме пбоеда. На свој терен лани во октомври бевме поразени со 1:0 додека во реваншот на гости со 2:0. Со евентуална победа над гостивар нашиот тим ќе се искачи на 6 тата позиција додека соннерешен исход би се зацврстиле на седмото место на кое атакуваат и други тимови.
