Нашиот сениорски состав утре во Скопје игра со Работнички – тим со кој речиси имаме идентичен број бодови на прволигашката табела заради што овој натпревар ќе биде интересен кој ќе се приклучи на горниот или долниот дел на табелата. Со Работнички во првата меѓусебна пресметка одигравме без голови. Стратегот Џовани Валенти смета дека екипата е подготвена за мечот а во редовите се враќа и Лео Антонио.
,,Сигурен сум во едно, дека теренеот нема да биде добар, ќе играме на стадион со многу лоша трева. Работнички обично играат добро, обично играат 4, 4, 2 во стил на поседување на топка. Бевме таму, имаат нов тренер и ја видовме нивната последна игра.Ние треба да бидеме подготвени да играме на различни начини но, многу ќе зависи и од условите на теренот.Секако тренираме многу, на нашата завршница и нашата одбрана. Веќе одлучивме како ќе играме, сега ги одредуваме играчите но, распоредот и стилот играње веќе го имаме во нашите глави,, смета Валенти
Според него освен на резултатот и бодовите многу важно е да се стави фокус на играта.
,,Ако се фокусираме само на резултатот тој донесе многу стрес и нема да биде добро, бидејќи нашите играчи се многу млади. Тие знаат дека одиме таму за да победиме но мора и да мислиме на тоа дека она што се обидуваме да го направиме на нашите тренинг сесии а тоа е да ја подобриме нашата одбрана, пресингот, да се надоградиме, да се појачиме и на крај да има добра завршница„ вели тренерот Валенти
